ԱՄՆ-ՌԴ նախագծերը գնահատվում են $14 տրլն. Կիրիլ Դմիտրիև

ԱՄՆ-ի և Ռուսաստանի միջև հնարավոր համատեղ նախագծերի ընդհանուր ծավալը կարող է գերազանցել 14 տրիլիոն դոլարը։ Այս մասին հայտարարել է ՌԴ նախագահի հատուկ ներկայացուցիչ Կիրիլ Դմիտրիևը։

Նրա խոսքով՝ երկկողմ համագործակցության շրջանակում ձևավորված նախագծերի պորտֆելը ներառում է խոշոր ուղղություններ, որոնք կարող են զգալի տնտեսական արդյունք ապահովել։ Դմիտրիևը նշել է, որ նման համագործակցությունը կարող է լինել փոխշահավետ երկու երկրների համար։

Միաժամանակ նա անդրադարձել է Ռուսաստանի նկատմամբ կիրառվող պատժամիջոցներին՝ նշելով, որ դրանք, իր գնահատմամբ, ավելի քան 300 միլիարդ դոլարի վնաս են հասցրել ամերիկյան բիզնեսին։ Դմիտրիևի կարծիքով՝ սահմանափակումների վերացումը համապատասխանում է նաև ԱՄՆ-ի շահերին։

Պաշտոնյան այլ մանրամասներ չի ներկայացրել հնարավոր նախագծերի կառուցվածքի կամ ժամկետների վերաբերյալ։