ԱՄՆ-ն պահանջում է, որ Ուկրաինան չմասնակցի ՆԱՏՕ-ի գագաթնաժողովին. Politico
ԱՄՆ-ն պահանջում է, որպեսզի Ուկրաինան չմասնակցի ՆԱՏՕ-ի գագաթնաժողովին, որը նախատեսվում է անցկացնել ամռանը՝ Անկարայում։ Այս մասին գրում է Politico պարբերականը՝ հղում անելով դիվանագիտական աղբյուրներին։
Հրատարակության տվյալներով՝ վերջին ամիսներին Վաշինգտոնը նաև առաջ է մղել Կոսովոյում ՆԱՏՕ-ի խաղաղապահ առաքելության կրճատման նախաձեռնությունը։ Բացի այդ, ամերիկյան կողմը հանդես է եկել այն դիրքորոշմամբ, որ դաշինքի տարեկան գագաթնաժողովին պաշտոնապես չմասնակցեն Ուկրաինան և Հնդկա-խաղաղօվկիանոսյան տարածաշրջանի գործընկերները։
Այս քայլերը արտացոլում են Սպիտակ տան ձգտումը ՆԱՏՕ-ն դիտարկել որպես խիստ եվրատլանտյան պաշտպանական դաշինք և վերանայել վերջին տասնամյակների ընթացքում ձևավորված ընդլայնման քաղաքականությունը։
Պաշտոնական հայտարարություններ այս հարցի վերաբերյալ դեռ չեն հրապարակվել։
