Ուիթքոֆի և Դմիտրիևի՝ ուկրաինական ճգնաժամի շուրջ բանակցությունները արդյունավետ են եղել
ԱՄՆ նախագահի հատուկ ներկայացուցիչ Սթիվեն Ուիթքոֆը հայտարարել է, որ Ռուսաստանի նախագահի հատուկ ներկայացուցիչ և Ռուսաստանի ուղղակի ներդրումների հիմնադրամի գործադիր տնօրեն Կիրիլ Դմիտրիևի հետ Մայամիում ուկրաինական ճգնաժամի կարգավորման շուրջ բանակցությունները արդյունավետ են եղել։ Այս մասին տեղեկանում ենք TASS-ից։
«Այսօր Ֆլորիդայում Ռուսաստանի հատուկ ներկայացուցիչ Կիրիլ Դմիտրիևը արդյունավետ և կառուցողական հանդիպումներ է ունեցել՝ ուկրաինական հակամարտության խաղաղ կարգավորմանն ուղղված ԱՄՆ միջնորդական ջանքերի շրջանակներում», - գրել է Ուիթքոֆը։
Ամերիկյան պատվիրակության կազմում էին նաև ֆինանսների նախարար Սքոթ Բեսենթը, ամերիկացի առաջնորդի փեսան՝ Ջարեդ Քուշները, և Սպիտակ տան ավագ խորհրդական Ջոշ Գրուենբաումը, Ընդհանուր ծառայությունների վարչության Դաշնային գնումների ծառայության հանձնակատարը։
«Մենք ոգևորված ենք այս հանդիպումից և այն փաստից, որ Ռուսաստանը աշխատում է Ուկրաինայում խաղաղություն ապահովելու ուղղությամբ», - նշել է Ուիթքոֆը։
Դմիտրիևը, իր հերթին, քննարկումները արդյունավետ է անվանել։
