Ֆրանսիան ցանկանում է Գրենլանդիա ուղարկել լրացուցիչ ֆրանսիական զորք
Ֆրանսիայի նախագահ Էմանուել Մակրոնը ցանկանում է Գրենլանդիա ուղարկել առնվազն 200 լրացուցիչ ֆրանսիական զորք, հաղորդում է Canard Enchaine թերթը՝ հղում անելով աղբյուրներին։
Ֆրանսիան արդեն մոտ 15 զինծառայող է ուղարկել Գրենլանդիա։ Reuters-ի տվյալներով՝ երկիրը նաև խնդրել է ՆԱՏՕ-ի զորավարժություններ անցկացնել կղզում։
«Էմանուել Մակրոնը պլանավորում է Գրենլանդիայի բնակիչներին պաշտպանելու համար ուղարկել առնվազն 200 ալպյան հրաձիգից բաղկացած ստորաբաժանում», - նշվում է հոդվածում։
Գրենլանդիան Դանիայի թագավորության մաս է կազմում։ Սակայն ԱՄՆ նախագահ Դոնալդ Թրամփը բազմիցս հայտարարել է, որ կղզին պետք է դառնա Միացյալ Նահանգների մաս։
