Եվ ես չգիտեմ մի բան, որը կանեի, եթե միայն իմ աշխատավարձը լիներ 81 600. ֆինանսների նախարար
Ճիշտն ասած, երբ որ մենք բյուջեն քննարկում ենք իմ գործընկերների հետ, ամենահաճախ դրվող հարցը, որը ես օրինակ տալիս եմ իմ գործընկերներին, ասում եմ իսկ հանրությունը ինչպես կվերաբերվի նրան, ինչ որ մենք հիմա ուզում ենք անել: Այս մասին ասել է ֆինանսների նախարար Վահնե Հովհաննիսյանը պատասխանաելով հարցին` եթե այսօր Ձեզ բախտ վիճակվեր ապրել Հայաստանի նվազագաույն սպառողական զամբյուղի արժեքով 81 600 դրամ, առանց Ձեր պարգևավճարների և ծառայողական մեքենայի, ինչպես դա կփոխեր Ձեր կողմից ստորագրված բյուջետային փաստատուղթը:
«Ի վերջո մենք հաշվետվություն ենք ներկայացնում հանրությանը, դա հանրային փաստաթուղթ է և ինչպես ասեցի մեր ընկալմամբ պետք է բյուջեն լինի հանրային ինչ-որ կոնսենսուսի հետևանք, որովհետև դա առնչվում է մեր հանրության գրեթե բոլոր շերտերին: Եվ ես չգիտեմ մի բան, որը ես կանեի, եթե միայն իմ աշխատավարձը լիներ 81 600:
Եթե ես չիմանայի, օրինակ, ինչպիսի հետևանքներ կարող է ունենալ Հայաստանում սոցիալական ծախսերի կտրուկ բարձրացումը կարող է և մտածեի, որ արժի այդ փոփոխությունը իրականացնել, բայց մենք նաև պատասխանատու ենք ֆիսկալ կայունության համար և պատասխանատու ենք նաև նրա համար, որպեսզի սոցիալական ծախսերը, որոնք ստանձնելու ենք այսօր, կարողանանք նաև վաղը սպասարկել»,- ասել է նախարարը:
