Հրավիրում եմ այն մարդկանց, որոնց հետ լավ հարաբերություններ ունեմ. Ալեն Սիմոնյանը՝ Առուշ Առուշանյանի մասին
Ես անձնական լավ հարաբերություններ ունեմ նրա հետ, իր քաղաքական հայացքներն ինձ չի վերաբերվում, ես չեմ մտնում դրա մեջ: Այս մասին Ազգային ժողովում ճեպազրույցի ժամանակ ասել է ԱԺ նախագահ Ալեն Սիմոնյանը՝ անդրադառնալով Գորիս համայնքի ղեկավար Առուշ Առուշանյանի ներկայությանը՝ իր ծննդյան արարողությանը:
«Իմ անձնական միջոցառմանը հրավիրում եմ այն մարդկանց, որոնց հետ լավ հարաբերություններ ունեմ: Ի դեպ, մտածում եմ հաջորդ ծննդյան միջոցառմանը նաև ձեզ հրավիրեմ, եթե կընդունեք իմ հրավերը»,- լրագրողներին ասել է Ալեն Սիմոնյանը։
