Պատրաստ եմ Մեսսիին առաջարկել ցանկացած գումար. «Ալ-Իթիհադի» նախագահ
Սաուդյան Արաբիայի «Ալ-Իթթիհադ» ֆուտբոլային ակումբի նախագահ Անմար Ալ-Խաիլին հայտարարել է Լիոնել Մեսսիին պայմանագիր կնքելու իր պատրաստակամության մասին, հաղորդում է Vesti.kz-ն։
Արգենտինացին 2025 թվականի աշնանը երկարաձգեց իր պայմանագիրը «Ինտեր Մայամիի» հետ մինչև 2028 թվականի վերջը, ինչը նրա տեղափոխությունը դարձնում է չափազանց անհավանական։ Այնուամենայնիվ, Սաուդյան Արաբիայում Մեսսիի համար դուռը բաց է։
«Եթե Մեսսին պատրաստ լինի տեղափոխվել «Ալ-Իթթիհադ», ես նրան կառաջարկեմ պայմանագիր, որտեղ նա կարող է վաստակել ցանկացած գումար։ Ցանկացած ժամանակով, նույնիսկ ողջ կյանքի ընթացքում։ Ինձ համար փողը կարևոր չէ. ես ուզում եմ պայմանագիր կնքել Մեսսիի՝ պատմության մեծագույն ֆուտբոլիստի հետ»,-պաշտոնյայի խոսքերն է մեջբերում The Touchline-ը։
Մեսսին «Բարսելոնայի» սան է, որտեղ նա խաղացել է 2003-ից 2021 թվականներին։ Կատալոնական ակումբից հեռանալուց հետո հարձակվողը երկու մրցաշրջան խաղացել է «Պարի Սեն Ժերմենում»։ Նա «Ինտեր Մայամիում» է խաղում 2023 թվականի ամռանից։
Ավելացնենք, որ Մեսսիի հավերժական մրցակիցը՝ պորտուգալացի Կրիշտիանու Ռոնալդուն, խաղում է Սաուդյան Արաբիայի առաջնությունում և խաղում է «Ալ-Նասրում»։
