ԱՄՆ-ի և Ադրբեջանի ներկայացուցիչները TRIPP-ի շուրջ քննարկում են ունեցել
Ադրբեջանի Հանրապետության արտաքին գործերի փոխնախարար Էլնուր Մամեդովը Բաքվում ընդունել է ԱՄՆ Առևտրի և զարգացման գործակալության (USTDA) պատվիրակությանը՝ գործակալության Մերձավոր Արևելքի, Հյուսիսային Աֆրիկայի, Եվրոպայի և Եվրասիայի տարածաշրջանային տնօրեն Կարլ Կրեսի գլխավորությամբ։
Ադրբեջանական լրատվամիջոցների փոխանցմամբ՝ հանդիպման ընթացքում, մասնավորապես անդրադարձ է կատարվել TRIPP երթուղուն։
Անդրադարձ է կատարվել նաև երկու երկրների միջև էներգետիկայի, առևտրի, տարածաշրջանային կապերի, այդ թվում՝ 2025 թվականի օգոստոսի 8-ին Վաշինգտոնում կայացած խաղաղության գագաթնաժողովից հետո՝ ռազմավարական գործընկերության շրջանակներում տեղի ունեցած երկկողմ շփումների և կոնկրետ ոլորտների վերաբերյալ քննարկումների արդյունքներին։
