ԵՄ-ն Ռուսաստանի հանդեպ ատելությունից բացի այլ բան չի կարող առաջարկել. Ֆիցո

Եվրամիությունը Ռուսաստանի հանդեպ ատելությունից բացի այլ բան չի կարող առաջարկել, նման հայտարարություն է արել Սլովակիայի վարչապետ Ռոբերտ Ֆիցոն, գրում է «Ռիա Նովոստի»-ն:

Ֆիցոյի խոսքով՝ եթե Եվրամիությունը չվերանայի իր մոտեցումները, ապա կկորցնի տարբեր մարտահրավերներին արձագանքելու կարողությունը։ Նա նշել է, որ ԵՄ-ի մրցունակությունը նվազում է, անդամ պետությունները չեն կարողանում համաձայնության գալ համատեղ պաշտպանության հարցում, իսկ արտաքին քաղաքականության մեջ  բոլորը նայում են Միացյալ Նահանգների դիրքորոշմանը։

Ավելի վաղ նա առաջարկել էր Կայա Կալլասին հանել Եվրամիության արտաքին գործերի և անվտանգության քաղաքականության հարցերով գերագույն ներկայացուցչի պաշտոնից: Նա հայտարարել է, որ ԵՄ-ն չի կարող ժամանակին արձագանքել ճգնաժամին և չունի սեփական կարծիք աշխարհում տեղի ունեցող իրադարձությունների վերաբերյալ: