Կային ժամանակներ, երբ Պուտինը և ես պատրաստ էինք ամեն ինչի, բայց Զելենսկին չէր ուզում գործարք կնքել․ Թրամփ

ԱՄՆ նախագահ Դոնալդ Թրամփը հայտնել է, որ հավատում է Ուկրաինայի հակամարտությունն ավարտելու Ռուսաստանի նախագահ Վլադիմիր Պուտինի ցանկությանը։ Այդ մասին փոխանցում է «ՏԱՍՍ»-ը։

«Կարծում եմ՝ նա ուզում է գործարք կնքել»,- ասել է ԱՄՆ նախագահը:

Նրա խոսքով՝ եղել են ժամանակներ, երբ ինքն ու Պուտինը պատրաստ են եղել ամեն ինչի, սակայն Ուկրաինայի նախագահ Վլադիմիր Զելենսկին չի ցանկացել գործարք կնքել, ինչը, ինչպես նշել է Թրամփը, իրեն ցնցել է։

Նա հավելել է, որ հետագայում եղել են նաև հակառակ իրավիճակներ, և իր կարծիքով՝ այժմ նրանք երկուսն էլ ցանկանում են գործարք կնքել՝ նշելով, որ դա դեռ պարզ կլինի։