Ուկրաինայում կարգավորման շուրջ բանակցությունները ակտիվորեն խոչընդոտվում են․ Ֆիցո
«Ուկրաինայում խաղաղության բանակցությունները դիտավորյալ խոչընդոտվում են։ Միտումնավոր։ Այս հակամարտությունը հնարավորինս արագ խաղաղ ճանապարհով ավարտելու իրական շահագրգռվածություն չկա։
Ձեռնարկվող քայլերը, ավելի շուտ, ցույց են տալիս, որ Ուկրաինայում հակամարտությունը կշարունակվի դեռ շատ ամիսներ»,- ասել է Ֆիցոն Չեխիայի վարչապետ Անդրեյ Բաբիշի հետ համատեղ մամուլի ասուլիսում։
Ֆիցոն բացառել է սլովակ զորքեր ուղարկելը Ուկրաինա՝ նշելով, որ երկիրը կկենտրոնանա փոխշահավետ էներգետիկ և տրանսպորտային նախագծերի վրա, որոնք օգուտ կբերեն Ուկրաինայի քաղաքացիներին։
