Գրենլանդիայի հարցն արդեն որոշված է, հաջորդը Կանադա՞ն է. ՌԴ նախագահի ներկայացուցիչ

Գրենլանդիան, կարծես, արդեն որոշված ​​հարց է: Այս մասին X-ում գրել է Ռուսաստանի նախագահի հատուկ ներկայացուցիչ Կիրիլ Դմիտրիևը։

«ԵՄ-ն կշարունակի անել այն, ինչ վասալները լավագույնս կարողանում են անել՝ հետևել իրավիճակին և ցուցադրել կրկնակի ստանդարտներ։ Գրենլանդիան, կարծես, արդեն որոշված ​​հարց է։ Հաջորդը Կանադա՞ն է», - գրել է ՌԴ նախագահի հատուկ ներկայացուցիչը:

Հիշեցնենք, որ ԱՄՆ նախագահ Դոնալդ Թրամփը հավակնություններ է ցուցաբերում Գրենլանդիայի նկատմամբ և ավելի վաղ հայտարարել է, որ Գրենլանդիան իրենց անհրաժեշտ է ազգային անվտանգության նկատառումներից ելնելով, իսկ Դանիան չի կարող դա անել:

Հավելենք՝ Դանիայի վարչապետ Մետտե Ֆրեդերիկսենը ասել է, որ եթե Միացյալ Նահանգները որոշի ռազմական հարձակում սկսել ՆԱՏՕ-ի մեկ այլ երկրի վրա, ապա ամեն ինչ կավարտվի՝ ներառյալ ՆԱՏՕ-ն, և, հետևաբար, Երկրորդ համաշխարհային պատերազմից հետո ստեղծված անվտանգությունը: