Գրենլանդիան պետք է լինի ԱՄՆ-ի մաս․ չի բացառվում կղզին ռազմական ճանապարհով գրավելը. Սպիտակ տուն
Սպիտակ տան աշխատակազմի ղեկավարի տեղակալ Սթիվեն Միլլերը CNN-ին հայտարարել է, որ Գրենլանդիան պետք է ներառվի Միացյալ Նահանգների անվտանգության համակարգում և դառնա ԱՄՆ-ի անբաժանելի մասը։ Նա չի բացառել կղզին ռազմական ճանապարհով գրավելու հնարավորությունը։
«Գրենլանդիան պետք է լինի Միացյալ Նահանգների անբաժանելի մասը։ Ոչ ոք չի մտնի Միացյալ Նահանգների հետ ռազմական բախման մեջ Գրենլանդիայի ապագայի շուրջ։ Դեռևս անհրաժեշտ չէ խոսել կամ մտածել ռազմական գործողության մասին»,- ասել է նա:
Միլլերի խոսքով՝ եթե Միացյալ Նահանգները ՆԱՏՕ-ի գլխավոր տերությունն է և ցանկանում է ապահովել Արկտիկայի տարածաշրջանի անվտանգությունն ու պաշտպանել ՆԱՏՕ-ի շահերը, ապա Գրենլանդիան պետք է լինի Միացյալ Նահանգների մաս։ Նրա խոսքով՝ այս հարցը կքննարկվի։
