Իրենք ունեն ծայրագավառականության սինդրոմ. նույնիսկ նախկին կարող ենք չասել. Հարությունյան

Ցավոք, գործ ունենք մի ընդդիմության հետ, որի նպատակն ամենևին Հայաստանի Հանրապետության պետականության ամրապնդումը չէ: Այս մասին Հանրային Հ1-ի եթերում ասել է վարչապետի աշխատակազմի ղեկավար Արայիկ Հարությունյանը:

«Իրենց նույնիսկ նախկին կարող ենք չասել, իրենք ունեն ծայրագավառականության սինդրոմը, որը Հայաստանում ջախջախվում է: Դա հատկապես ակներև դարձավ 2023 թվականի սեպտեմբերյան իրադարձություններից հետո, որ պետականությունն ու ինքնիշխանությունն առաջնային չեն իրենց համար: Այդ ծայրագավառականության դերակատարումը իրենք պատրաստ են ստանձնել, բայց մենք թույլ չենք տա:

Եվ Հայաստանի հանրությունը թույլ չի տա, որովհետև հանրությունը շատ հստակ ճանաչել է պետականության և ինքնիշխանության գինն ու դերը»,- ասել է Հարությունյանը: