Մոտ 5 մլն դրամ տուգանք են վճարել՝ Երևանում առանց տոմսի երթևեկելու համար
Երևանում այս տարվա օգոստոսից մինչև դեկտեմբերի 1-ը ներհամայնքային տրանսպորտում վարչական իրավախախտումների համար շուրջ 1500 քաղաքացի ենթարկվել է տուգանքի։
ՀՀ վարչական իրավախախտումների վերաբերյալ օրենսգրքի 137.9-րդ հոդվածի համաձայն՝ քաղաքացիների նկատմամբ կայացվել է տուգանքի որոշում։ Խախտումները վերաբերում են առանց տոմսի երթևեկելուն, այլ անձանց արտոնություններից օգտվելուն, ինչպես նաև վճարման միջոց ունենալու պայմաններում ուղեվարձը չվճարելուն։
Aysor.am-ի հետ զրույցում Երևանի քաղաքապետարանի աշխատակազմի լրատվության վարչության պետի ժ/պ Օֆելյա Սիմոնյանը տեղեկացրել է, որ վճարված ակտերի քանակը 552 է։
Նշենք, որ Երևանի հանրային տրանսպորտում ուղեվարձը չվճարելու համար սահմանված տուգանքը կազմում է 15 հազար դրամ։
Արդյունքում, տուգանված քաղաքացիների կողմից արդեն վճարված գումարի ընդհանուր չափը կազմում է 4 միլիոն 907 հազար ՀՀ դրամ։
