Երկաթյա վճռականությամբ ասում եմ՝ Քոչարյանի ու Սարգսյանի հետ դաշինք չենք կազմի․ Զուրաբյան
Հայ Ազգային Կոնգրեսը որևէ նախընտրական դաշինք չի կազմի ՀՀ երկրորդ ու երրորդ նախագահների քաղաքական ուժերի հետ. հայտարարել է ՀԱԿ փոխնախագահ Լևոն Զուրաբյանը։
«Ռոբերտ Քոչարյանի և Սերժ Սարգսյանի ուժերի վերաբերյալ հայտարարություն արդեն արել ենք։ Ես, ելույթ ունենալով իմպիչմենտի մասին խորհրդարանական լսումների ժամանակ, հայտարարեցի. որևէ համագործակցություն շարժման կամ նախընտրական դաշինք կնքելու առումով չենք նախատեսում ոչ Ռոբերտ Քոչարյանի, ոչ Սերժ Սարգսյանի քաղաքական ուժերի հետ։ Եթե կարծում եք՝ նման ենք այլ քաղաքական ուժերի, որ մի օր մի բան են ասում, մյուս օրը՝ մեկ այլ բան, հերքելով անցյալի հայտարարությունները, սխալվում եք։ Մի բան եթե ասում ենք, ուրեմն՝ անում ենք։ Այս հարցը պարզ է երկաթյա վճռականությամբ»,- ասել է նա։
Հարցին՝ նույնը նաև ՀՅԴ-ի՞ն է վերաբերում, Զուրաբյանն ասել է. «ՀՅԴ-ն Քոչարյանի հետ չի՞։ Նորություն կա՞ այդ առումով։
