Մախաչևը նշել է UFC-ի պատմության լավագույն մարտիկին

UFC-ի թեթև քաշային կարգի գործող չեմպիոն Իսլամ Մախաչևը տարբեր անվանակարգերում նշել է կազմակերպության լավագույն մարտիկներին՝ առանձնացնելով նաև պատմության լավագույնին։

«UFC-ի լավագույն մարտիկն հենց հիմա Իսլամ Մախաչևն է։ UFC-ի ամենադիտարժան մարտիկը Մաքս Հոլոուեյն է։ UFC-ի պատմության լեզվակռվի լավագույն վարպետը Քոնոր Մաքգրեգորն է։ UFC-ի պատմության լավագույն կիսամիջին քաշայինը Ժորժ Սեն-Պիերն է։ Իսկ պատմության մեծագույն մարտիկը, ինչպես միշտ, Հաբիբ Նուրմագոմեդովն է»,- հայտարարել է Մախաչևը TNT Sports-ին տված հարցազրույցում։

Նշենք, որ Մախաչևը, բացի թեթև քաշային կարգի չեմպիոն լինելուց, գլխավորում է նաև կազմակերպության՝ անկախ քաշային կարգից լավագույն մարտիկների վարկանիշային աղյուսակը (P4P)։