Չվճարողների մեծ մաս են կազմում օտարերկրացիները․ Արմեն Գալջյան

Երևանի ավագանու ՔՊ խմբակցության ղեկավար Արմեն Գալջյանը ընդդիմադիրներին կոչ է արել ավելորդ արտահայտություններ չանել ավագանու անդամների քվեարկության հետ կապված. «Որովհետև յուրաքանչյուրի ազատ իրավունքն է՝ ինչպես քվեարկել»,- ասել է նա։

Գալջյանը նաև անդրադարձել է հասարակական կարգի պահպանման ծառայության համար նոր հաստիքների ավելացմանը.

«Հանրության գերակշիռ մասը մեզնից պահանջում է, որ հետևողական լինենք վճարումների պատշաճ իրականացմանը, որովհետև օգտվողների շուրջ 80%-ը բարեխիղճ է և արդարացի դժգոհություն ունի այն 20%-ի նկատմամբ, որոնք չեն վճարում, և մենք, որպես քաղաքային իշխանություն, պարտավոր ենք մարդկանց պահանջին ականջալուր լինել։

Ավելին, չվճարողների մեծ մաս են կազմում օտարերկրացիները, և ես կարծում եմ՝ դա ավելի անարդար է, երբ մեր քաղաքացիները վճարում են, իսկ օտարերկրացիները՝ ոչ, օգտվելով տարբեր բացերից»,- ասել է նա։