Գերմանիան 2011 թվականից ի վեր առաջին անգամ անձի է արտաքսել Սիրիա

Գերմանիայի ներքին գործերի նախարարության տվյալներով՝  այսօր առավոտյան նախկինում ծանր հանցագործությունների համար դատապարտված սիրիացի միգրանտ ինքնաթիռով ուղարկվել է Դամասկոս և հանձնվել սիրիական իշխանություններին։ Սա առաջին արտաքսումն է 2011 թվականին Սիրիայի քաղաքացիական պատերազմի սկսվելուց ի վեր։

Ներքին գործերի նախարար Ալեքսանդր Դոբրինդտը հայտարարել է, որ գերմանական հասարակությունը «օրինական շահագրգռվածություն ունի հանցագործների երկրից հեռանալու հարցում»։ Արտաքսումը Բեռլինի և սիրիական իշխանությունների միջև ամիսներ տևած բանակցությունների գագաթնակետն էր։

Այսօր  նաև Գերմանիան Աֆղանստան է արտաքսել նախկինում բռնի հանցագործությունների համար դատապարտված մի տղամարդու։