Թրամփի նստավայրին մոտեցած ինքնաթիռը չեզոքացվել է
F-16 կործանիչը որսացել Է ԱՄՆ նախագահ Դոնալդ Թրամփի նստավայրին մոտեցած ինքնաթիռը։ Ինքնաթիռը մոտեցել է Մար-ա-Լագո կոչվողմասնավոր տարածքին, որը պատկանում է Սպիտակ տան ղեկավարին։
Համաձայն Հյուսիսային Ամերիկայի օդատիեզերական պաշտպանության հրամանատարության (NORAD) տարածած հաղորդագրության՝ իրավիճակը կարգավորվել է անվտանգ եղանակով։ Միջադեպի ընթացքում օդային անվտանգության կանոնների խախտման հնարավոր ռիսկեր չեն արձանագրվել։
NORAD-ը չի հստակեցրել, թե ինչ տեսակի օդային միջոց է ներխուժել սահմանափակված օդային տարածք, ինչպես նաև չի հայտնել ինքնաթիռի պատկանելիության կամ թռիչքի նպատակի վերաբերյալ մանրամասներ։
Դեպքի հետ կապված լրացուցիչ տեղեկություններ չեն հրապարակվել, իսկ համապատասխան կառույցները շարունակել են վերահսկել տարածաշրջանի օդային անվտանգությունը սահմանված կարգով։
