2026-ին Ռուսաստան կժամանի առնվազն 40 հազար հնդիկ միգրանտ

2026 թվականին Ռուսաստան կարող է ժամանել առնվազն 40,000 հնդիկ աշխատանքային միգրանտ։ Այդ մասին հայտարարել է կայուն զարգացման հարցերով միջազգային կազմակերպությունների հետ հարաբերությունների հարցերով նախագահի հատուկ ներկայացուցիչ Բորիս Տիտովը։

Նրա խոսքով՝ Ռուսաստանի տնտեսության մի շարք ոլորտներում աշխատուժի պակասը պահանջում է նոր աղբյուրների ներգրավում, իսկ Հնդկաստանը դիտարկվում է որպես հեռանկարային գործընկեր՝ որակավորված և աշխատունակ կադրերի մեծ պաշարով։

Տիտովը նշել է, որ ներկայում քննարկվում են աշխատանքային միգրանտների ներգրավման կազմակերպված մեխանիզմներ, որոնք կներառեն լեզվական պատրաստվածություն, սոցիալական ադապտացիա և օրինական աշխատանքի երաշխիքներ։ Նա ընդգծել է, որ գործընթացը պետք է լինի վերահսկելի և փոխշահավետ ինչպես Ռուսաստանի, այնպես էլ Հնդկաստանի համար։

Պաշտոնյայի գնահատմամբ՝ հնդիկ աշխատողների ներգրավումը կարող է զգալի ներդրում ունենալ արդյունաբերության, շինարարության և ծառայությունների ոլորտների զարգացման գործում։