Թրամփը չի բացառել պատրեազմը Վենեսուելայի դեմ
ԱՄՆ նախագահ Դոնալդ Թրամփը NBC-ին ասել է, որ Վենեսուելայի դեմ ռազմական գործողությունները մնում են Վաշինգտոնի օրակարգում։
«Ես դա չեմ բացառում, ոչ», - ասել է Թրամփը հեռուստաընկերությանը տված հեռախոսազրույցում։
Հարցին, թե արդյոք Կարիբյան ավազանում թմրանյութեր տեղափոխող նավերի դեմ ԱՄՆ-ի հարվածները կարող են հանգեցնել պատերազմի, Թրամփը պատասխանել է. «Ես դա չեմ քննարկել»։
Այնուամենայնիվ, Թրամփը չի նշել, թե երբ կարող է ԱՄՆ-ը իրականացնել նավերի առգրավման գործողությունները։ «Դա կախված է հանգամանքներից։ Եթե նրանք այնքան հիմար լինեն, որ չշտապեն, կհայտնվեն մեր նավահանգիստներից մեկում», - նշել է նախագահը։
Այս շաբաթ Թրամփը հայտարարել է Վենեսուելա և Վենեսուելայից մեկնող բոլոր պատժամիջոցների տակ գտնվող նավերի շրջափակման մասին։ Ամերիկացի առաջնորդը նաև ասել է, որ Վենեսուելան որակվել է որպես օտարերկրյա ահաբեկչական կազմակերպություն՝ ԱՄՆ ակտիվների գողության, «ահաբեկչության, թմրանյութերի մաքսանենգության և մարդկանց առևտրի» համար։
