Պեկինը հետևողականորեն պաշտպանելու է Պաղեստինի դերը. Չինաստանի ԱԳՆ
Չինաստանի արտաքին գործերի նախարար Վան Ին հայտարարել է, որ Պեկինը հետևողականորեն պաշտպանելու է Պաղեստինի առաջատար դերը Գազայի հետպատերազմյան կառավարման գործում։
«Չինաստանը կշարունակի աջակցել Պաղեստինի գերիշխող դիրքին Գազայի հետպատերազմյան կառավարման գործում և կոչ կանի միջազգային հանրությանը արդյունավետորեն կատարել իր պարտականությունները», - ասել է նախարարը չինական լրատվամիջոցներին տված հարցազրույցում՝ ԱՄԷ, Սաուդյան Արաբիա և Հորդանան կատարած այցերից հետո։
Նա ընդգծել է, որ Գազայի ապագայի վերաբերյալ ցանկացած համաձայնագիր պետք է հարգի պաղեստինյան ժողովրդի կամքը և հաշվի առնի Մերձավոր Արևելքի երկրների օրինական շահերը։
