Թրամփի կոշտ քննադատությունը ցնցել է Եվրոպային
ԱՄՆ նախագահ Դոնալդ Թրամփի քննադատությունը ոչ միայն շոկի է ենթարկել եվրոպացի պաշտոնյաներին, այլև տարաձայնություններ է առաջացրել Եվրահանձնաժողովի ներսում և սրել ԵՄ անդամ երկրների ղեկավարների միջև առկա հակասությունները։
FT-ի տեղեկություններով՝ Վաշինգտոնի կոշտ հռետորաբանությունը ԵՄ-ի նկատմամբ անսպասելի է եղել եվրոպական քաղաքական շրջանակների համար։ Թրամփի հայտարարությունները լրջորեն խաթարել են վստահության մթնոլորտը ԱՄՆ–ԵՄ հարաբերություններում՝ ստիպելով եվրոպացի առաջնորդներին վերանայել իրենց մոտեցումները արտաքին քաղաքական և տնտեսական համագործակցության հարցերում։
Եվրահանձնաժողովի ներսում, ըստ պարբերականի, առաջացել են տարակարծություններ այն հարցում, թե ինչ պատասխան պետք է տալ ԱՄՆ նախագահի դիրքորոշմանը։
