Կալասը խոսել է Ուկրաինայի անվտանգության իրական երաշխիքների մասին

Եվրամիությանը անհրաժեշտ է մտածել Ուկրաինայի անվտանգության իրական երաշխիքների մասին՝ ՆԱՏՕ-ին նրա անդամակցության փոխարեն, «եթե այն այլևս չի քննարկվում», հայտարարել է ԵՄ դիվանագիտության ղեկավար Կայա Կալասը Բրյուսելում Եվրամիության երկրների արտաքին գործերի նախարարների հանդիպումից առաջ։

«Եթե դա այլևս քննարկման ենթակա չէ և այդ մասին խոսք չի գնում, ապա պետք է դիտարկենք, թե անվտանգության, որ երաշխիքներն են շոշափելի։ Դրանք չեն կարող լինել, գիտեք, թղթեր կամ խոստումներ։ Դրանք պետք է լինեն, գիտեք, իրական զորքեր, իրական հնարավորություններ, որպեսզի Ուկրաինան կարողանա պաշտպանել իրեն», – նշել է նա։