Վարչապետն անձամբ ասել է՝ այսօր էլ պատրաստ է Հայրապետին ընդունել. Վազգեն սրբազան

Մեր գործողությունները հանուն Մայր Աթոռ Սուրբ Էջմիածնի են եւ հանուն ամենայն հայոց կաթողիկոսության: Այս մասին այսօր՝ Արգեշատ եկեղեցու բակում, լրագրողների հետ զրույցում ասաց Բալթյան երկրների հայոց թեմի առաջնորդ Գերաշնորհ Տեր Վազգեն արքեպիսկոպոս Միրզախանյանը:

Վազգեն սրբազանն ասաց, որ ինքը տասնյակ անգամներ փորձել է երկխոսություն նախաձեռնել, սակայն, ըստ նրա, եկեղեցում պատրաստ չէին:

«Վարչապետն անձամբ ասել է՝ այսօր էլ պատրաստ է Վեհափառ Հայրապետին ընդունել, խոսել եւ նրա հետ քննել իր հանգստի կոչվելու եւ Մայր Աթոռին վերաբերող հետագա բազում հարցեր, որովհետեւ միայն կաթողիկոսի հեռանալով հարցը չի լուծվում, բազմաթիվ խնդիրներ կան, որոնք կարող են լուծել միայն վարչապետն ու Վեհափառը»,-ասաց նա՝ նշելով, որ տեղյակ չէ՝ արդյոք կաթողիկոսն ընդունել է Փաշինյանի առաջարկը: