Նախագահը չափազանց հիասթափված է. Սպիտակ տուն

Սպիտակ տունը հայտարարել է, որ նախագահ Դոնալդ Թրամփը այս հանգստյան օրերին իր ներկայացուցչին կուղարկի Եվրոպա՝ Ուկրաինայի շուրջ բանակցությունների, եթե իրական հնարավորություն լինի խաղաղ համաձայնագրի ստորագրման:

Թրամփի մամուլի քարտուղար Կարոլին Լեվիթը հայտարարել է, թե Թրամփը հոգնել է բազմաթիվ հանդիպումներից, որոնց ընթացքում չի հաջողվում հասնել Ուկրաինայում պատերազմի դադարեցման շուրջ համաձայնության։

«Նախագահը չափազանց հիասթափված է պատերազմի երկու կողմերից և հոգնել է հանդիպումներից պարզապես հանդիպումների համար»,- ասել է նա:

Մինչ այդ, Թրամփը հեռախոսազրույց է ունեցել Ֆրանսիայի, Գերմանիայի և Մեծ Բրիտանիայի առաջնորդների հետ և հետո հայտարարել է, որ տեղի է ունեցել աշխույժ կարծիքների փոխանակում, այդ թվում՝ այս հանգստյան օրերին Եվրոպայում բանակցությունների հեռանկարների շուրջ:

«Նա ուզում է, որ այս պատերազմն ավարտվի: Վարչակազմը ծախսել է ավելի քան 30 ժամ, և դա միայն վերջին մի քանի շաբաթների ընթացքում, ռուսների, ուկրաինացիների և եվրոպացիների հետ հանդիպումների վրա: Տեսնենք, թե ինչպես կանցնեն այս հանգստյան օրերի հանդիպումները, և հետևեք նորություններին»,- ասել է Լեվիթը: