Ռուսաստանում АН-22 ինքնաթիռ է կործանվել

Իվանովոյի մարզում АН-22 ինքնաթիռ է վթարի ենթարկվել, որում այդ պահին եղել է յոթ մարդ։ Այս մասին հաղորդում է TASS-ը՝ հղում անելով արտակարգ ծառայություններին: Վթարի մասին հայտնել է նաև ՌԵՆ-ՏՎ-ն:

TASS-ի փոխանցմամբ, վթարը տեղի է ունեցել Ուվոդսկոյե ջրամբարի մոտակայքում, իսկ ինքնաթիռի բեկորները հայտնաբերվել են ջրի մեջ լողացող վիճակում: Իրավապահ մարմինների աշխատակիցները գործակալությանը հայտնել են, որ ինքնաթիռը վերանորոգումից հետո պլանային փորձնական թռիչք է կատարում:

ՌԲԿ-ն մեկնաբանության համար դիմել է Ռուսաստանի Դաշնության Քննչական կոմիտեի Տրանսպորտի հարցերով Արևմտյան միջտարածաշրջանային քննչական վարչություն, Մոսկվայի միջտարածաշրջանային տրանսպորտային դատախազության մամուլի ծառայություն, Ռուսաստանի Արտակարգ իրավիճակների նախարարության Իվանովոյի մարզի գլխավոր վարչություն և հարցում է ուղարկել Պաշտպանության նախարարություն։