Արտակարգ դրություն Լիտվայում՝ Բելառուսից գործարկվող օդապարիկների պատճառով
Լիտվայի կառավարությունը հայտարարել է արտակարգ դրություն՝ երկրի օդային անվտանգության նկատմամբ աճող սպառնալիքի պատճառով։
Օդանավակայանի տվյալներով՝ Բելառուսի տարածքից պարբերաբար գործարկվող օդապարիկները օգտագործվում են մաքսանենգ թմրամանյութերի, հիմնականում՝ սիգարետների տեղափոխման համար։ Այդ դեպքերն արդեն մի քանի անգամ ստիպել են դադարեցնել Վիլնյուսի օդանավակայանի աշխատանքը, ինչն էլ խաթարել է կանոնավոր ավիաչվերթները։
Կառավարությունը այս պահին չի հստակեցնում, թե որքան ժամանակ կգործի արտակարգ դրության ռեժիմը։
Մինսկը հերքում է մեղադրանքները՝ հակադարձելով, թե Լիտվան ինքն է կազմակերպում սադրանքներ, այդ թվում՝ անօդաչու սարքով իբր «ծայրահեղական նյութեր» գցելու միջոցով։ Լիտվան այս պնդումները անվանել է անհիմն և ապատեղեկատվական։
