ԱՄՆ-ն սպառնում է Մեքսիկային 5% մաքսատուրքով
ԱՄՆ նախագահ Դոնալդ Թրամփը հայտարարել է, որ 5% մաքսատուրք կսահմանի Մեքսիկայի նկատմամբ՝ ջրամատակարարման մասին համաձայնագիրը խախտելու համար։ ԱՄՆ նախագահը այս մասին հայտնել է Truth Social կայքում։
«Այս պահին Մեքսիկան չի պատասխանում ԱՄՆ-ի հարցումներին և դա շատ անարդար է ամերիկացի ֆերմերների նկատմամբ, որոնք արժանի են այդքան անհրաժեշտ ջրին։ Ահա թե ինչու եմ ես պատրաստել փաստաթղթեր, որոնք թույլ կտան Մեքսիկայի համար մտցնել 5-տոկոսանոց մաքսատուրք, եթե այդ ջուրը անհապաղ չտրամադրվի»,- գրել է Թրամփը։
Ինչպես հաղորդել էր The Washington Post թերթը 2024 թվականի մայիսի 17-ին, Մեքսիկան տասնամյակներ շարունակ խախտել է պայմանագրի կատարումը՝ «դիմադրելով ԱՄՆ-ին ջրի մատակարարումներ իրականացնելուն», քանի որ ինքն է տուժում երաշտից։
Երկրները 1944 թվականին կնքել են պայմանագիր, համաձայն որի՝ Մեքսիկան պարտավորվել էր յուրաքանչյուր հինգ տարին մեկ Ռիո Գրանդե գետի ավազանից մոտ 2.2 միլիարդ խորանարդ մետր ջուր ուղարկել ԱՄՆ, իսկ ԱՄՆ-ը՝ Կոլորադո գետից 1.8 միլիարդ խորանարդ մետր ջուր՝ հակառակ ուղղությամբ։
