Պուտինը՝ անմահ լինելու հնարավորության մասին

Ռուսաստանի նախագահ Վլադիմիր Պուտինը India Today–ին տված հարցազրույցում հայտարարել է, որ մարդկային կյանքը սահմանափակ է, իսկ հավերժությունը միայն Աստծունն է։ Նա ընդգծել է, որ դեռ վաղ է խոսել սեփական կյանքի ամփոփման մասին, քանի որ իր առջև դեռ բազմաթիվ անելիքներ կան։

Վլադիմիր Պուտինը մեկնաբանել է իր կյանքի և քաղաքական գործունեության հեռանկարներին վերաբերող հարցերը։ Անդրադառնալով լրագրողի այն դիտարկմանը, թե արդյոք հնարավոր է հասնել անմահության, Պուտինը նշել է. «Բոլորը մահկանացու են, հավերժ է միայն Աստված»։

Նրա խոսքով՝ մարդկային գոյությունը ունի բնական սահմաններ, և այդ համատեքստում խոսել անժամկետ կյանքից՝ անհիմն է։

Պուտինը հավելել է, որ դեռ շուտ է գնահատել իր կյանքի կամ գործունեության արդյունքները։

«Կարծում եմ՝ չափազանց վաղ է փորձել որևէ կերպ ամփոփել իմ կյանքը։ Ինձ դեռ սպասում են կարևոր աշխատանքներ»,– նշել է նա՝ ընդգծելով, որ շարունակելու է իրականացնել իր ծրագրերը և զբաղվել երկրի առջև կանգնած խնդիրներով։