Թրամփի վարչակազմը փակելու է «Ամերիկայի ձայնի» արտասահմանյան գրասենյակները

The New York Times-ի հասած տեղեկություններով կոնգրեսին ուղղված ծանուցումը վկայում է, որ ԱՄՆ իշխանությունները պատրաստվում են դադարեցնել «Ամերիկայի ձայնի» մի շարք արտասահմանյան կառուցվածքների աշխատանքը՝ փակելով ինչպես գրասենյակներ, այնպես էլ տարածաշրջանային ռադիոհաղորդումներ։

Ըստ հրապարակված տվյալների՝ վարչակազմը նախատեսում է փակել վեց արտասահմանյան բյուրո և ևս չորս մարկետինգային գրասենյակ՝ Ջակարտայում, Իսլամաբադում, Նայրոբիում և Պրահայում։ Բացի այդ, դադարեցվելու է «Ամերիկայի Ձայնի» ռադիոհաղորդումների աշխատանքը Գերմանիայում, Թաիլանդում, Բոցվանայում և Ջիբութիում։

Հիշեցվում է, որ այս տարի ապրիլին ԱՄՆ դատարանը պարտավորեցրել էր Թրամփի վարչակազմին վերականգնել ԱՄՆ Գլոբալ մեդիայի գործակալության (USAGM) գործունեությունը, որի կազմում ընդգրկված է նաև «Ամերիկայի Ձայնը», ինչպես նաև կրկին աշխատանքի ընդունել գործակալությունից հեռացված բոլոր աշխատակիցներին։