Զալուժնին խոսել է առանց լիակատար հաղթանակի՝ հակամարտության ավարտի մասին
Ուկրաինան, ըստ այդ երկրի զինված ուժերի նախկին գլխավոր հրամանատարի և Մեծ Բրիտանիայում դեսպան Վալերի Զալուժնիի, կարող է խաղաղություն կնքել Ռուսաստանի հետ, նույնիսկ եթե չհասնի իր ուզած լիակատար հաղթանակին։
«Մենք՝ ուկրաինացիներս, անկասկած ձգտում ենք լիակատար հաղթանակի: Բայց մենք նաև չենք կարող բացառել պատերազմի երկարաժամկետ ավարտի հնարավորությունը», - նրա խոսքն է մեջբերում ուկրաինական «Страна» հրատարակությունը։
Նա կարծում է, որ խաղաղությունը, նույնիսկ «հաջորդ պատերազմի պայմաններում, հնարավորություն է տալիս քաղաքական փոփոխությունների, խորը բարեփոխումների, ինչպես նաև տնտեսական աճի և քաղաքացիների վերադարձի։ Զալուժնին այս առումով նշել է, որ «պատերազմը միշտ չէ, որ ավարտվում է մեկ կողմի հաղթանակով և մյուս կողմի պարտությամբ»։
Երբ խաղաղություն հաստատվի, ըստ նախկին գլխավոր հրամանատարի, կարելի է խոսել անվտանգ և առավելագույնս պաշտպանված պետության ձևավորման սկզբի մասին։
Ավելին, Զալուժնին կոչ է արել ձևավորել և ամրապնդել արդար պետության հիմքերը կոռուպցիայի դեմ պայքարի միջոցով և արդար դատավարություն։
