Ինչպե՞ս է ապահովագրված անձն օգտվելու ապահովագրությունից. Առողջապահության նախարար
Առողջապահության համապարփակ ապահովագրության շրջանակներում քաղաքացիները տարին մեկ անգամ պարտադիր հետազոտություն անցնելու հնարավորություն, այնուհետև պարտավորություն կունենան, ինչպես նաև կօգտվեն սկրինինգային ծրագրերից: Այս մասին «Փաստինֆո»-ին հայտնել է առողջապահության նախարար Անահիտ Ավանեսյանը։
Նախարարը ներկայացրել է, թե ինչպես է ապահովագրված անձն օգտվելու ապահովագրությունից.
«Երբ մարդն ունի որոշակի գանգատներ, նրա առաջին կոնտակտը ամբուլատորիան և պոլիկլինիկան են: Պետք է դիմել ընտանեկան բժշկին, թերապևտին կամ մանկաբույժին: Առաջին այս էտապից հետո, եթե ընտանեկան բժիշկը, թերապևտը կամ մանկաբույժը կարիքն ու ցուցումը տեսավ, արդեն կուղղորդի հետագա բուժօգնությանը:
Եթե անհրաժեշտ լինի անցնել հավելյալ հետազոտություններ կամ ստանալ հիվանդանոցային բուժօգնություն, ապա այս առաջնային օղակը ուղեգրումների միջոցով կնպաստի բժշկական ծառայությունների շարունակական մատուցմանը»,- ասել է Անահիտ Ավանեսյանը։
