Հարավաֆրիկյան Հանրապետության ոստիկանությունը ձերբակալել է չորս տղամարդու, որոնք մեկնում էին Ուկրաինա՝ պատերազմի
Հարավաֆրիկյան ոստիկանությունը հայտնել է, որ Ռուսաստան մեկնելու ճանապարհին ձերբակալել է չորս տղամարդու, որոնց կասկածում են այնտեղի զինված ուժերում կռվելու համար հավաքագրվելու մեջ։
Ոստիկանության տվյալներով՝ տղամարդիկ ուրբաթ կանգնեցվել են Յոհաննեսբուրգում՝ ինթնաթիռ նստելուց առաջ, այն բանից մի քանի շաբաթ հետո, երբ հաղորդվել է, որ ևս 17 հարավաֆրիկացի մնացել է Ուկրաինայում․ նրանց համոզել էին միանալ վարձկանների ուժերին՝ շահավետ պայմանագրեր խոստանալով։
Հարավային Աֆրիկայի օրնսդրության համաձայն՝ քաղաքացիներն իրավունք չունեն ռազմական օգնություն ցուցաբերել օտարերկրյա կառավարություններին կամ մասնակցել օտարերկրյա բանակներում՝ առանց թույլտվության։
«Ձերբակալություններն իրականացվել են չորս տղամարդկանց մասին (Յոհաննեսբուրգի օդանավակայանի ոստիկաններից) տեղեկություն ստանալուց հետո. տղամարիկ մեկնում էին Ռուսաստան Արաբական Միացյալ Էմիրություններով»,- նշվել է Elite Hawks ոստիկանական բաժանմունքի հայտարարությունում, որը հրապարակվել է շաբաթ օրը։
«Նախաքննությունը ցույց է տվել, որ հարավաֆրիկացի կինը ենթադրաբար աջակցել է այդ անձանց ուղևորություններին և հավաքագրմանը Ռուսաստանի Դաշնության զինված ուժերում»,- նշվել է հաղորդագրությունում։
Ոստիկանությունում հայտնել են, որ չորս կասկածյալները, ինչպես սպասվում է, երկուշաբթի կկանգնեն դատարանի առջեւ օտարերկրյա ռազմական օգնության կարգավորման մասին օրենքը խախտելու կասկածանքով։
Հարավաֆրիկյան Հանրապետության նախագահ Սիրիլ Ռամաֆոսան կարգադրել է հետաքննություն անցկացնել, թե ինչպես են 17 անձինք հայտնվել Ուկրաինայում՝ չնայած նրանց տուն վերադարձնելու շարունակվող ջանքերին։
