Վրաստանի ընդդիմության կողմնակիցները երթ են կազմակերպել Թբիլիսիում․ մանրամասներ
Վրաստանի ընդդիմության կողմնակիցները երթ են կազմակերպել Թբիլիսիում կառավարության կողմից ԵՄ-ին անդամակցության բանակցությունները մինչև 2028 թվականը կասեցնելու որոշման դեմ բողոքի ցույցերի տարելիցի առթիվ։
Նրանք շարժվում են դեպի Ռուսթավելի պողոտայում գտնվող խորհրդարանի շենք՝ ձեռքներին Վրաստանի, ԵՄ-ի, Ուկրաինայի և Գերմանիայի դրոշներ։
Իրավապահ մարմինների աշխատակիցները կոչ են արել Թբիլիսիում ցուցարարներին շարժվել մայթեզրով և զբաղեցնել երթևեկության մեկ գոտին։
«Այս փուլում մենք կարող ենք նրանց թողնել երթևեկության մեկ գոտի, և նրանք կարող են շարժվել մայթեզրով։ Հակառակ դեպքում մենք կձեռնարկենք այլ միջոցներ», - ասել է Պարեկային ոստիկանության գլխավոր վարչության պետի տեղակալ Գոգա Մեմանիշվիլին։
Ռուսթավելի պողոտան ներկայումս փակ է։
