Երևանն ու Բաքուն նոր պայմանավորվածություններ են հաստատել
Ադրբեջանի Գաբալա քաղաքում այսօր կայացել է Հայաստանի փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի գլխավորությամբ Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի 12-րդ հանդիպումը։
Կողմերը նշել են հունվարի 16-ի հանդիպման արդյունքներով ձեռք բերված պայմանավորվածությունը՝ պետական սահմանի սահմանազատման համալիր աշխատանքները հյուսիսային հատվածից՝ Հայաստանի, Ադրբեջանի և Վրաստանի սահմանների հատման կետից և այնուհետև հարավային ուղղությամբ՝ հյուսիսից հարավ մինչև Հայաստանի ու Ադրբեջանի սահմանն Իրանի հետ սկսելու վերաբերյալ
Քննարկումների ավարտին կողմերը պայմանավորվել են աշխատանքային կարգով համաձայնեցնել հաջորդ հանդիպման անցկացման ամսաթիվը, որը նախատեսվում է կազմակերպել Հայաստանի քաղաքներից մեկում։
