Կիևը և Վաշինգտոնը նոր հանդիպում կունենան խաղաղության ծրագրի շուրջ

Կիևի և Վաշինգտոնի պատվիրակությունները մոտ ժամանակում կրկին կհանդիպեն՝ խաղաղության նախաձեռնության քննարկման նպատակով։ Տեղեկությունը հայտնել է Ուկրաինայի արտգործնախարարը:

Անդրիյ Սիբիհայի խոսքով՝ հրադադարի հաստատումը Ուկրաինայի համար առաջնահերթ նշանակություն ունի, և Կիևը ակնկալում է կոնկրետ արդյունքներ։ Նա նշել է, որ կան մի շարք զգայուն հարցեր, որոնք հնարավոր է քննարկել միայն բարձր մակարդակով, այդ պատճառով ուկրաինական կողմը կարևորում է նախագահներ Վոլոդիմիր Զելենսկու և Դոնալդ Թրամփի հանդիպումը։

Նախնական ամերիկյան առաջարկի համաձայն՝ Ուկրաինայից սպասվում է տարածքային զիջումներ, զինված ուժերի թվաքանակի կրճատում և ՆԱՏՕ-ին անդամակցության ձգտումից հրաժարում։