Ադրբեջանում զանգվածային ձերբակալություններ են
Բաքվում ձերբակալվել են մի խումբ անձինք, որոնք փորձել են երթ կազմակերպել նախկին ԽՍՀՄ դրոշներով։ Տեղական աղբյուրների փոխանցմամբ՝ ոստիկանության իրականացրած գործողությունների ընթացքում հայտնաբերվել և ձերբակալվել են երթին մասնակցած Աբդուլլա Իբրահիմլին, Իբրահիմ Ասադլին և մի շարք այլ անձինք, որոնց նկատմամբ քրեական գործ է հարուցվել։
Նրանց վերագրվում է մեկ այլ երկրի աջակցությամբ ու ֆինանսական օգնությամբ գրասենյակ վարձակալելը, միասնական խմբով գործելը և պարբերաբար հանդիպումներ անցկացնելը։
Խուզարկությունների ժամանակ նրանց գրասենյակներից և բնակարաններից հայտնաբերվել ու առգրավվել են կոմունիստական գաղափարախոսությանը վերաբերող բազմաթիվ նյութեր, դրոշներ, ինչպես նաև CD-սկավառակներ և այլ էլեկտրոնային սարքեր։
