ՀԱՊԿ-ը կողմ է հայ–ադրբեջանական խաղաղության պայմանագրի արագ կնքմանը
ՀԱՊԿ անդամ երկրները հռչակագրով աջակցել են Հայաստանի և Ադրբեջանի միջև խաղաղության համաձայնագրի շուտափույթ կնքմանը։
Կրեմլի կայքում հրապարակված ՀԱՊԿ Հավաքական անվտանգության խորհրդի հռչակագրում նշվում է, որ կազմակերպության երկրները գոհունակությամբ արձանագրում են Հայաստանի և Ադրբեջանի միջև ինտենսիվ միջպետական երկխոսությունը։
«Հանդես ենք գալիս համապարփակ կարգավորման և կողմերի միջև անվերապահ խաղաղության պայմանագրի շուտափույթ կնքման օգտին»,– ասված է փաստաթղթում։ Հռչակագիրն ընդունվել է Բիշքեկում անցկացված ՀԱՊԿ գագաթնաժողովից հետո։
