Ի՞նչ է Ուկրաինան, ո՞րտեղ է այն գտնվում․ որոշեք նախքան այն կդառնա ԵՄ անդամ․ Օրբան

Հունգարիայի վարչապետ Օրբանը կոչ է արել որոշել, թե ինչ է Ուկրաինան, նախքան այն կդառնա  Եվրոպական միություն  անդամ: Այս մասին քաղաքական գործիչը գրել է X սոցիալական ցանցի իր էջում։

«Նախ, մեզ շտապ անհրաժեշտ է հրադադար և խաղաղություն։ Այնուհետև մենք պետք է որոշենք, թե ինչ է իրենից ներկայացնում Ուկրաինան՝ որոնք են նրա սահմանները, նրա բնակչությունը։ Այս պահին մենք նույնիսկ չգիտենք, թե ինչ է Ուկրաինան և որտեղ է այն գտնվում։ Խաղաղության հաստատումից հետո Եվրոպան պետք է երկարաժամկետ համաձայնագրեր կնքի Ռուսաստանի հետ, ինչպես նաև ռազմավարական գործընկերության հիմքեր դնի Ուկրաինայի հետ։ Դա թույլ կտա պաշտպանել ինքնիշխանությունը և ապահովել Եվրոպայի ապագան»,- նշել է Օրբանը ։

Հունգարիայի վարչապետը բազմիցս դեմ է արտահայտվել Եվրամիությանն Ուկրաինայի անդամակցությանը։ Նրա կարծիքով՝ միավորմանը Ուկրաինայի ընդունելը կնշանակեր ռազմական գործողությունների ներմուծում։ Նա ընդգծել է, որ Կիևը կարող է «ընտրել պատերազմը», բայց չի կարող ուրիշներից պահանջել միանալ դրան: