«Հերթական պայթած թարախակույտը». Զախարովան՝ Ուկրաինայի կոռուպցիոն սկանդալի մասին

ՌԴ ԱԳՆ ներկայացուցչուհի Մարիա Զախարովան, արձագանքելով Ուկրաինայում վերջին կոռուպցիոն բացահայտումներին, դրանք որակել է որպես երկրի ներսում շարունակական խնդիրների հերթական դրսևորում։ Միևնույն ժամանակ ուկրաինական աղբյուրները հայտնում են, որ ԵՄ դեսպան Կատարինա Մատերնովան անհանգստացած է Կիևում կոռուպցիոն սխեմաների վերաբերյալ բացահայտումներով, իսկ որոշ մեկնաբաններ պնդում են, թե ԵՄ-ն նույնիսկ խոչընդոտում է քննությանը։

Զախարովան՝ Ուկրաինայում կոռուպցիայի մասին լուրերը «հերթական պայթած թարախակույտ» է անվանել:

Ուկրաինայի ազգային հակակոռուպցիոն բյուրոն նոյեմբերի իրականացրել է լայնածավալ հատուկ գործողություններ էներգետիկայի ոլորտում՝ հրապարակելով մեծ քանակությամբ գումարներով պայուսակների լուսանկարներ և կոռուպցիոն գործի մասնակցիներ լինելու ենթադրությամբ աուդիոձայնագրությունների հատվածներ։ Խուզարկություններ են անցկացվել նախկին էներգետիկայի և արդարադատության նախարար Գերման Գալուշչենկոյի, «Էներգոատոմի» և նախագահ Վլադիմիր Զելենսկու մտերիմ Թիմուր Մինդիչի տանը։

Հավելենք՝ բյուրոն մեղադրանք է ներկայացրել հանցավոր խմբավորման վեց անդամների, այդ թվում՝ Մինդիչին։ Գործով անցնում է նաև նախկին փոխվարչապետ Ալեքսեյ Չերնիշովը։ Գալուշչենկոն հեռացվել է պաշտոնից, իսկ Ռադան պետք է հաստատի նրա և էներգետիկայի նախարար Սվիտլանա Գրինչուկի պաշտոնանկությունները։ Նշենք նաև, որ Զելենսկին պատժամիջոցներ է կիրառել Մինդիչի և նրա ֆինանսիստ Ալեքսանդր Ցուկերմանի նկատմամբ։