«Դաղստանում իրավիճակն ապակայունացնելու փորձերն արվում են Ուկրաինայից». տարածաշրջանի ղեկավար

Դաղստանի Հանրապետությունում իրավիճակն ապակայունացնելու փորձեր են արվում դրսից, այդ թվում՝ ուկրաինամետ Telegram ալիքներով, լրագրողներին ասել է տարածաշրջանի ղեկավար Սերգեյ Մելիքովը։

«Դաղստանում իրավիճակն ապակայունացնելու փորձեր, այդ թվում՝ կիրառելով արգելված մեթոդներ՝ կապված էթնիկ ատելության և միջկրոնական խնդիրների բորբոքման հետ, իրականացվում են մեր թշնամիների՝ մեր երկրի հակառակորդների կողմից»,- ասել է նա։

Մելիքովի խոսքով՝ Telegram ալիքներից մեկը, որը հրապարակում է շրջանի բնակիչներին հանրահավաքների գնալու կոչեր, վերահսկվում է դրսից։

«Այսօր մենք ստացել ենք բացարձակ հավաստի տեղեկատվություն, որ «Դաղստանի առավոտ» ալիքը կառավարվում և կարգավորվում է Ուկրաինայի տարածքից՝ դավաճանների, բանդերականների կողմից», - հավելել է հանրապետության ղեկավարը։

Նա նաեւ հավելել է, որ Մախաչկալայի օդանավակայանում տեղի ունեցած անկարգությունների հետեւանքով երկու ոստիկան է վիրավորվել։

«Հստակորեն հայտնի է, որ երկու ոստիկան է վիրավորվել, նրանք վիրավորվել են օդանավակայանի արգելված տարածքները փակելիս»,- ասել է նա։