Ռուսաստանի և Ադրբեջանի միջև լարվածությունը բարելավել է Բաքվի և Վաշինգտոնի հարաբերությունները

Ռուսաստանի և Ադրբեջանի միջև լարվածությունը բարելավել է Բաքվի և Վաշինգտոնի հարաբերությունները: Այս մասին հայտարարել է «Ատլանտյան խորհուրդ» վերլուծական կենտրոնի Եվրասիական բաժանմունքի գլխավոր տնօրեն Ջոն Է. Հերբսթը Ադրբեջան-ԱՄՆ վերլուծական կենտրոնների 1-ին համաժողովում։

«AZAL»-ին պատկանող ինքնաթիռի խոցումը և այդ փաստի ժխտումը, բացասական վերաբերմունքը Ռուսաստանում ադրբեջանցի գործարարների, ինչպես նաև նմանատիպ այլ գործոնների նկատմամբ»,- թվարկել է նա։

Թրամփի երթուղին, Հերբսթի խոսքով, խրախուսում է ԱՄՆ-ին ավելի մեծ ուշադրություն դարձնել Հարավային Կովկասին, և այստեղ Ադրբեջանի, Հայաստանի և Թուրքիայի միջեւ հարաբերությունները մեծ նշանակություն ունեն:

Նշելով, որ Թուրքիայի նախագահը հեշտ գործընկեր չէ, ամերիկացի փորձագետը հավելել է, որ, այնուամենայնիվ, Վաշինգտոնի և Թուրքիայի շահերը համընկնում են Մերձավոր Արևելքում և Հարավային Կովկասում: