Մարտի 1-ի գործով նախկին փոխոստիկանապետի մասով շուտով կհայտարարվի նախաքննության ավարտ
Հակակոռուպցիոն կոմիտեն առաջիկայում նախաքննության ավարտ կհայտարարի նախկին փոխոստիկանապետ Սաշա Աֆյանի գործով։
Հակակոռուպցիոն կոմիտեի ղեկավար Արթուր Նահապետյանը հայտնել է, որ Աֆյանին մեղադրանք է առաջադրվել 2008թ. մարտի 1-ին պաշտոնական լիազորություններն անցնելու և այլ անձանց հետ ոստիկանության այլ ստորաբաժանումների կողմից բռնությամբ Ազատության հրապարակի խաղաղ նստացույցը դադարեցնելու գործողություններ կազմակերպելու համար։
Նշենք, որ այս պահին Խորհրդարանում հանրային քննարկում է ընթանում «Մարտի 1»-ի գործի մասին՝ ՄԻԵԴ վճռից հետո։ Քննարկմանը ընդդիմադիրները չեն մասնակցում։
