Մենք ստիպված ենք և պետք է միջոցներ ձեռնարկենք. Պեսկով
Ռուսաստանում ՆԱՏՕ-ի հետ առճակատոման կողմնակիցներ չկան, բայց մենք ստիպված ենք և պետք է միջոցներ ձեռնարկենք մեր օրինական շահերն ապահովելու համար: Այս մասին հայտարարել է ՌԴ նախագահի խոսնակ Դմիտրի Պեսկովը:
«Նման ռազմատենչ հռետորաբանությունը ավելի ու ավելի հաճախ է լսվում եվրոպական մայրաքաղաքներից», - ընդգծել է Պեսկովը։
Հիշեցնենք՝ Ռուսաստանի արտաքին գործերի նախարարությունը մեկնաբանել է Գերմանիայի պաշտպանության նախարար Բորիս Պիստորիուսի հայտարարությունը՝ ՆԱՏՕ-ի և Ռուսաստանի միջև պատերազմ սկսելու հետ կապված:
Ավելի վաղ հայտնել էինք, որ Գերմանիայի պաշտպանության նախարար Պիստորիուսը հայտարարել էր, որ ՆԱՏՕ-ի և Ռուսաստանի միջև պատերազմը կարող է սկսվել մինչև 2029 թվականը:
