«Քաղաքացիական պայմանագիր» կուսակցության համայնքապետի թեկնածու Արգիշտի Մեխակյանը կատարեց իր ընտրությունը
Մենք այս ամբողջ ընթացքում իրականացրել ենք քարոզարշավ հանուն մեկ բանի՝ ստանալ բացարձակ վստահությունը վաղարշապատցու, և այդ մտքով այսօր ես այստեղ եմ։
Այս մասին 14/28 տեղամասում քաղաքացիական իր պարտքը կատարելուց հետո լրագրողների հետ զրույցում ասաց «Քաղաքացիական պայմանագիր» կուսակցության թեկնածու Արգիշտի Մեխակյանը
Մեխակյանը հայտարարեց՝ եթե չլիներ Նիկոլ Փաշինյանի աջակցությունը՝ ինքը չէր լինի ՔՊ-ի թեկնածուն։ Մեխակյանը, ի պատասխան հարցի՝ պատրա՞ստ են կոալիցիա կազմել, նշեց՝ «եթե»-ներով չեն ցանկանում դատողություններ անել։
«Որ գնացիք ընտրության, նայեցի՞ք, ձեր հասցեի վրա ուրիշ մարդիկ գրանցվա՞ծ էին, որովհետև տարբեր ահազանգեր կան»,- դիմելով նրան՝ հարցրեց լրագրողը։ «Առաջարկում եմ՝ ովքեր ահազանգեր ունեն, թող մոտենան ոստիկանություն։ Մեր հասցեի վրա բացառապես իմ ընտանիքի անդամներն են»,- նշեց Արգիշտի Մեխակյանը:
