Քաղաքականություն

Կանադայի վարչապետը փոխել է նստավայրը․ պատճառը՝ բողոքի ցույցերն են

Կանադայի վարչապետը փոխել է նստավայրը․ պատճառը՝ բողոքի ցույցերն են
Կանադայի վարչապետ Ջասթին Թրյուդոն ընտանիքի հետ միասին անվտանգության նկատառումներից ելնելով փոխել է իր նստավայրը երկրում քովիդի սահմանափակումների դեմ տեղի ունեցող բողոքի ցույցերի պատճառով, հայտնել է…

Կանադայի վարչապետ Ջասթին Թրյուդոն ընտանիքի հետ միասին անվտանգության նկատառումներից ելնելով փոխել է իր նստավայրը երկրում քովիդի սահմանափակումների դեմ տեղի ունեցող բողոքի ցույցերի պատճառով, հայտնել է CBC News կանադական հեռուստաալիքը՝ հղում անելով աղբյուրներին, հաղորդում է ՌԻԱ Նովոստի-ն:

«Անվտանգության առնչությամբ մտավախությունների ֆոնին Թրյուդոն եւ նրա ընտանիքը տեղափոխվել են իրենց տնից անհայտ վայր երկրի մայրաքաղաքում»,-հաղորդում է հեռուստաալիքը, որը չի բացահայտում աղբյուրին:

 

Հաղորդվում է, որ նախօրեին հազարավոր ցուցարարներ հավաքվել են Օտավայում Խորհրդարանի դիմաց, որպեսզի կոչ անեն չեղարկել պատվաստումներն ու մյուս սահմանափակումները, որոնք կապված են կորոնավիրուսի հետ: Կազմակերպիչները կոչ են անում ավելացող ամբոխին խաղաղ ակցիա անցկացնել, իսկ ոստիկանությունը գտնվում է բարձր պատրաստականության վիճակում:

Հեռուստաալիքի հաղորդմամբ՝ ակնկալվում է, որ առաջիկա ժամերի ընթացքում քաղաքի կենտրոնում ավելի շատ մարդ կհավաքվի: Նշվում է, որ բեռնատարները, որոնք հավաքվում են Վելինգտոն փողոցում խորհրդարանական շենքերի դիմաց, զարդարված են բաներներով, որոնց վրա նշված են սանիտարական միջոցների եւ վարչապետ Ջասթին Թրյուդոյի դեմ քննադատական գրառումներ:

Դեռեւս ցույցը կրում է խաղաղ բնույթ, ընդգծում է հեռուստաալիքը:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250