Եվրամիությունը ռուսական գազին փոխարինող է գտել
Եվրոպական հանձնաժողովն աջակցել է Հունաստանի և ամերիկյան ExxonMobil ընկերության միջև կնքված համաձայնագրին՝ Հոնիական ծովի ափամերձ հատվածում գազի հետախուզման աշխատանքներ իրականացնելու վերաբերյալ, որպեսզի վերջնականապես հրաժարվի ռուսական գազից։ Այս մասին հաղորդում է Euroavtive-ը։
Հունաստանի իշխանություններն արդեն հայտարարել են, որ փորձնական հորատումը պետք է ավարտվի մինչև 2027 թվականի սկիզբը, և եթե գազի պաշարները շահութաբեր լինեն, արտադրությունը կսկսվի 2030 թվականին և կշարունակվի մինչև առնվազն 2040 թվականը:
Հիշեցնենք՝ ավելի վաղ ԵՄ Խորհուրդը հաստատել է Ռուսաստանից գազի ներմուծման փուլային դադարեցումը, որն ուժի մեջ կմտնի 2026 թվականի հունվարի 1-ից: Բացի այդ, ԵՄ կառավարությունները նախատեսում են դադարեցնել ռուսական նավթի գնումները 2028 թվականից սկսած, սակայն այս որոշումը դեռ պետք է համաձայնեցվի Եվրախորհրդարանի հետ։
