Հովհաննավանք վանական համալիրում լարված իրավիճակ է
Օհանավան գյուղի Հովհաննավանք վանական համալիրում լարված իրավիճակ է։ Տեր Արամ քահանա Ասատրյանը երեկ ոստիկանություն է կանչել եւ համայնքի բնակիչներին հավաքել է եկեղեցու տարածքում։ Ֆեյսբուքյան իր էջում հայտնում է լրագրող Լիա Սարգսյանը:
Այս մեթոդով Տեր Արամը փորձել է խոչընդոտել Հովհաննավանքի նորանշանակ հոգևոր հովիվ Տեր Մանուկ Զեյնալյանի ծառայությանը։ Տեսնելով, որ իրավիճակը կարող է սրվել, Տեր Մանուկը հեռացել է եկեղեցուց, եւ այլեւս չի վերադարձել ծառայության վայր։
Վաղ առավոտից մինչեւ 16։00-ն Արագածոտնի մարզի Օհանավան գյուղի Հովհաննավանք եկեղեցում ոչ մի հոգեւորական չի ներկայացել ծառայության։ Այս մասին NEWS.am-ի հետ զրույցում հայտնեցին եկեղեցու հարեւանությամբ բնակվող գյուղացիները։
Ըստ լրատվամիջոցի, այսօր 16։00-ին Հովհաննավանքում մկրտության արարողություն էր նշանակված, որը սկսվեց մի փոքր ուշացումով պատճառն, ըստ լուրերի, այն է, որ երեկվա միջադեպով պայմանավորված Տեր Արամը հրավիրվել էր քննչական կոմիտե։
Auroranews-ին Քննչական կոմիտեից փոխանցեցին՝ դեպքի հետ կապված մեկնաբանություն չունեն։
ՆԳՆ -ից էլ Auroranews-ին փոխանցեցին, որ Օշականում է միջոցառում եղել եւ ոստիկանները պահպանել են հասարակական կարգը: Այլ մանրամասներ չեն ներկայացվել:
